روشتات طبية

بسم الله الرحمن الرحيم


الحمد لله الواحد القهّار العزيز الغفّار وصلواته وسلامه على محمد عبده ونبيّه المختار وعلى آله الطيّبين الطاهرين من عترته الأخيار وبعد:

فهذه سلسلة من الروشتات الطبية الجاهزة لعلاج مختلف الأمراض والأدوية المُصرح باستخدامها O.T.C
أو Non-prescription medicines 
يعنى لايُشترط لصرفها أن تكون مكتوبة فى روشتة

وغالبا بتشمل المُسكنات عامة  وعلاج البرد والكُحة والسخونية ومشاكل الجهاز الهضمى وغيرها.....

هكتب الموضوع بطريقة سهلة مُبسطة تشمل التشخيص أو العرض اللى ممكن يكون يشتكى منه المريض مصحوب 
بأشهر الأدوية اللى بتعالجه ومعظمها طبعا اللى أنا بطلعها O.T.C فى الصيدلية من واقع الخبرة والممارسة

ندخل فى الموضوع على طول فى أول حلقة من حلقات السلسلة ( مستعدين ) .. يلا بينا

هنبدأ بأول حاجة بيحتاجها الكثيرين مننا وهى المسكنات  Analgesics وممكن نقسمهما لنوعين رئيسيين بيندرج تحتهما كل المسكنات الموجودة فى سوق الدواء المصرى

 النوع الأول هو :
Antipyretic... for less severe pain,
it is analgesic,
anti-inflammatory,antipyretic.
No (euphoria, drowsiness, dependence
يعنى من الأخر كدة المسكنات ومضادات الإلتهاب وخافضات الحرارة غير المخدرة.

النوع الثانى وهو :

Narcotic.... It is only analgesic ..

 it relieve all types of pain except itching... It gives euphoria, drowsiness, dependence

مسكنات بتقضى على كل أنواع الآلام باستثناء الهرش أو الحكة وطبعا مُخدرة.

طبعا كل نوع ليه استخداماته وبيندرج تحت كل نوع أدوية كتيرة مشهورة وبتستخدم فى علاج أمراض مختلفة

إن شاء الله هتكلم عن كل نوع بالتفصيل وازاى ممكن نتعامل مع الصداع والام المفاصل والم الاسنان وغيرها

ومش بحب اطول فى كتاباتى علشان ماحدش يزهق :D

هتكون مقالات على هيئة كبسولات سريعة.

تابعونا إن شاء الله على صفحات هذه المدونة الغالية التى أتشرف بالإنضمام إلى أسرة  تحريرها

وفى الختام الشكر موصول لكل من ساهم فى نشر الخير والعلم وحاول مساعدة الآخرين وفرج الكرب عن المسلمين.

صيدلى المدونة .. عضو أسرة التحرير